இந்தியாவின் நாணயங்கள் தரம் உயர்வு....

சர்வதேச ரேட்டிங் ஏஜென்சியான மூடிஸ்( moody's ) அமைப்பு வெளியிட்டுள்ள அறிக்கையில் இந்தியாவின் உள்ளூர் மற்றும் வெளிநாட்டு நாணய தரத்தை Baa3யில் இருந்து Baa2 ஆக உயர்த்தப்பட்டுள்ளது. இதன் பொருள் சர்வதேச சந்தையில் இந்திய நாணயத்தின் ஏற்ற இறக்கம் தற்போது பாசிடிவ் நிலையில் இருந்து ஸ்டேபிள் என்ற நிலைக்குச் சென்றுள்ளது, அதாவது நிலையான அளவிற்குச் சென்றுள்ளது எனத் தெரிவித்துள்ளது. இந்தியாவின் உள்ளூர் மற்றும் வெளிநாட்டு நாணய தரத்தை 14 வருடங்களுக்குப் பின் உயர்த்திச் சர்வதேச சந்தை முதலீட்டாளர்கள் மத்தியில் இந்திய சந்தையின் மீது புதிய நம்பிக்கையை வளர்த்துள்ளது.

உரிமை கோராத பணம்...குறைந்த வட்டி விகிதம்...

உரிமை கோராத டெபாசிட்களுக்கான வட்டியை ரிசர்வ் வங்கி அரை சதவீதம் குறைத்துள்ளது. தொடர்ந்து 10 ஆண்டுகளுக்கு மேல் கேட்பாரற்று கிடக்கும் டெபாசிட்கள், உரிமை கோராத டெபாசிட்களாக கருதப்படுகின்றன. இந்த பணம் முதலீட்டாளர் கல்வி நிதியில் சேர்க்கப்பட்டு, அவர்களிடையே விழிப்புணர்வு ஏற்படுத்த பயன்படுத்தப்படுகிறது. நாடு முழுவதும் வங்கிகளில் பல ஆயிரம் கோடி பணம் யாரும் உரிமை கோராமல் கிடக்கிறது. இவற்றை அவர்கள் வாரிசுகள் யாரேனும் உரிய ஆதாரங்களோடு கோரினால், அவர்களிடம் ஆண்டுக்கு 4 சதவீத வட்டியுடன் பணம் ஒப்படைக்கப்படுகிறது. இந்த வட்டியை ரிசர்வ் வங்கி 3.5 சதவீதமாக குறைத்துள்ளது. அடுத்த மாதம் 1ம் தேதியில் இருந்து இது அமலுக்கு வருகிறது. எனவே, அடுத்த மாதம் 1ம் தேதிக்கு பிறகு உரிமை கோரப்படும் டெபாசிட்களுக்கு 3.5 சதவீத வட்டி கணக்கிடப்படும்.பயிர்க்கடன்: விவசாயிகளுக்கு குறுகிய கால பயிர்க்கடன் வட்டி மானியத்துடன் வழங்கப்படுகிறது. இதற்காக நடப்பு ஆண்டுக்கு ₹15,000 கோடியை மத்திய அரசு ஒதுக்கியுள்ளது. நடப்பு ஆண்டில் ₹3 லட்சம் வரையிலான குறுகிய கால பயிர்க்கடன்களுக்கு மானியம் வங்கி கணக்கில் வரவு வைக்க வேண்டும் என ரிசர்வ் வங்கி தெரிவித்துள்ளது. இத்திட்டத்தில் ₹3 லட்சம் வரை 7 சதவீத வட்டியில் கடன் வழங்கப்படும். முறையாக திருப்பி செலுத்தினால் வட்டி 4 சதவீதமாக குறைந்துவிடும்.

ஜாப் ஒர்க் வரி விலக்கு .......

ஜவுளித்துறையினரின் ஜாப் ஒர்க்கிற்கு விலக்கு அளித்துள்ள தமிழக அரசு, இன்ஜினியரிங் ஜாப் ஒர்க்கிற்கு விலக்கு அளிக்காததால் கோவை தொழில்துறையினர் ஏமாற்றமடைந்துள்ளனர். உள் மாநிலத்திற்குள் தொழில் உற்பத்தி பொருள்களை கொண்டு செல்ல மின்னணு முறையில் தரவிறக்கம் செய்யப்பட்ட இ-வே பில் உடன் வைத்திருக்க வேண்டும் என்கிற நடைமுறை கடந்த 2ம் தேதி முதல் அமலுக்கு வந்துள்ளது. இதில் ஜவுளித்துறை சார்ந்த ஜாப் ஒர்க் பொருள்களுக்கு விலக்கு அளிக்கப்பட்டுள்ளது. இன்ஜினியரிங் ஜாப் ஒர்க்கிற்கு விலக்கு அளிக்கவில்லை. இதனால் கோவை மாவட்ட தொழில்துறையினர் ஏமாற்றமடைந்துள்ளனர். இது குறித்து கோவை, திருப்பூர் மாவட்ட குறுந்தொழில் மற்றும் ஊரக தொழில் முனைவோர் சங்கம் கோவை, திருப்பூர் மாவட்டத்தில் 30 ஆயிரத்திற்கும் மேற்பட்ட குறுந்தொழில் கூடங்கள் உள்ளது. இதில் கிரைண்டர், பம்ப்செட், பவுண்டரி, ஜவுளி இயந்திரங்கள் மற்றும் ஆட்டோமொபைல் பொருள் உற்பத்திக்கு தேவையான உதிரிபாகங்கள் ஜாப் ஒர்க் அடிப்படையில் தயாரிக்கப்படுகிறது. இன்ஜினியரிங் பொருள் உற்பத்தி செய்யும் பெரிய தொழில் நிறுவனங்கள் மூலப்பொருள்களை குறுந்தொழில்கூடங்களுக்கு அளித்து, அதை உதிரிபாகங்களாக பெற்று வருகின்றனர். இத்தகைய ஜாப் ஒர்க் மேற்கொள்ளும் குறுந்தொழில் நிறுவனங்கள் ஆண்டிற்கு ரூ.20 லட்சம் மதிப்பிற்கு மேல் வர்த்தகம் மேற்கொண்டால் ஜிஎஸ்டியில் 18 சதவீதம் உள்ளது. அதற்கு கீழ் உற்பத்தி மேற்கொள்ளும் குறுந்தொழில் கூடங்களுக்கு விலக்கு உள்ளது. இதில் 80 சதவீத குறுந்தொழில் கூடங்கள் ஆண்டிற்கு ரூ.20 லட்சத்திற்கு கீழ் வர்த்தகம் மேற்கொள்பவை. அவை ஜிஎஸ்டியில் வராவிட்டாலும், அவற்றிற்கு பதிலாக ஜாப் ஒர்க் நிறுவனங்களே 18 சதவீத வரி செலுத்த வேண்டும், என்கிற நடைமுறை உள்ளது. இதனால் ஜாப் ஒர்க் கொடுக்கும் நிறுவனங்கள், ரூ.20 லட்சத்திற்கு கீழ் உள்ள குறுந்தொழில் கூடங்கள் ஜிஎஸ்டியில் பதிவு செய்திருந்தால் மட்டுமே ஜாப் ஒர்க் கொடுக்கின்றன. இதனால் அனைத்து குறுந்தொழில் கூடங்களும் தங்களது வாழ்வாதாரத்திற்காக ஜிஎஸ்டியின் கீழ் வந்துள்ளன. இதனால், குறுந்தொழில் கூடங்கள் மாதம்தோறும் தாங்கள் மேற்கொள்ளும் வர்த்தகத்திற்கான 18 சதவீத வரியை அரசிற்கு செலுத்த வேண்டிய கட்டாயம் ஏற்பட்டுள்ளது. இத்தொகையை ஜாப் ஒர்க் கொடுக்கும் நிறுவனங்களிடமிருந்து பெற 3 மாதம் ஆகிறது. இதனால் குறுந்தொழில் கூடங்கள் தங்கள் கையிருப்பில் இருந்து வரி செலுத்த வேண்டிய நிலை உள்ளது. இதனால் பொருளாதாரரீதியாக குறுந்தொழில் கூடங்கள் பாதிக்கப்பட்டுள்ளன. ஜாப் ஒர்க்கிற்கு ஜிஎஸ்டியில் இருந்து விலக்கு அளிக்கும்படி கடந்த 10 மாதமாக கோரி வருகிறோம். இந்நிலையில், தற்போது உள் மாநிலத்திற்குள் அமல்படுத்தப்பட்டுள்ள இ-வே பில் நடைமுறையில், இன்ஜினியரிங் தொழில் துறைக்கு விலக்கு அளிக்காததால் இன்ஜினியரிங் பொருள் உற்பத்தியில் முன்னணியில் உள்ள கோவையிலுள்ள குறுந்தொழில் கூடங்களுக்கு நெருக்கடி தீரவில்லை. மத்திய, மாநில அரசுகள் நடவடிக்கை எடுக்க வேண்டும்...